काठमाडौं । बीएसपी नेपालले टोखा नगरपालिकालाई स्वास्थ्य सामाग्री सहयोग हस्तान्तरण गरेको छ।
टोखा नगरपालिकामा आज आयोजित एक कार्यमका बीच बीएसपी नेपालका बोर्ड अध्यक्ष शेखर अर्याल र कार्यकारी निर्देशक प्रकाश लामिछानेले नगरप्रमुख प्रकाश अधिकारीलाई पीसीई सेट र मास्क हस्तान्तरण गरेका हुन् ।
नेकपा माओवादी केन्द्रका नेता कल्पना शर्माको पहलमा बीएसपी नेपालले ३०० थान पीपीई र मास्क सहयोग गरेको हो ।
यी स्वास्थ्य सामाग्री टोखा नगरपालिका क्षेत्रमा फ्रन्टलाइनमा खटिएका स्वास्थ्यकर्मीहरूले प्रयोग गर्ने नगरप्रमुख अधिकारीले बताए । अधिकारीले आफुहरूलाई सहयोग गरेकोमा बीएसपी नेपाललाई धन्यवाद दिए ।
बीएसपीका बोर्ड अध्यक्ष अर्यालले सबै मिलेर कोरोना महामारी विरूद्ध लड्नुपर्ने बताए । अर्यालले आफुहरूले गरेको सहयोगले महामारी नियन्त्रणमा खटिएका स्वास्थ्यकर्मीहरूलाई सानो सहयोग मिल्ने विश्वास गरे ।
बीएसपी नेपाल वैकल्पिक उर्जाको क्षेत्रमा काम गर्ने चर्चित संस्था हो ।
प्रतिक्रिया