धनगढी । सुदुरपश्चिम प्रदेश सरकारको सत्ता साझेदार एमालेको आन्तरिक विवादका कारण सुदूरपश्चिम प्रदेशका मुख्यमन्त्री त्रिलोचन भट्टले चौथोपटक मन्त्रिमण्डल विस्तार गरेका छन् । एमालेको ओली पक्षको केन्द्र र प्रदेशले सरकारबाट बाहिरिने निर्णय गरेपनि बहुमतको संख्यामा रहेको नेपाल पक्षको संसदीयदलले सरकारबाट नाबहिरिने निर्णय गरेपछि सन्तुलन मिलाउन भट्टले शुक्रबार चौथो पटक मन्त्रिमण्डल विस्तार गरेका हुन् ।
मन्त्री मण्डलमा एमालेबाट पूर्व सामाजिक विकासमन्त्री दीर्घ सोडारी, पूर्णा जोशी , लालबहादुर खड्का र माओवादीबाट मानबहादुर धामी थपिएका छन् । मन्त्रिपरिषदमा दोस्रो वरियताका मन्त्री प्रकाशबहादुर शाहलाई आर्थिक मामिला मन्त्रालयको जिम्मेवारी दिइएको छ भने सोडारीलाई भौतिक पूर्वाधार विकास मन्त्रालय, जोशीलाई आन्तरिक मामिला तथा कानून मन्त्रालय र खड्कालाई सामाजिक विकास मन्त्रालय र धामीलाई उद्योग, पर्यटन वन तथा वातावरण मन्त्रालयको जिम्मेवारी दिइएको छ।
यस्तै राज्यमन्त्रीमा चुनकुमारी चौधरी, मानबहादुर सुनार, अर्चना गहतराज र मना साउद नियुक्त भएका छन् । चौधरी, गहतराज र साउद एमाले र सुनार नेकपा माओवादीका तर्फबाट मन्त्री बनेका हुन् । योसँगै सुदूरपश्चिममा ११ सदस्यीय मन्त्रिमण्डल भएको छ ।
यस्तो छ सुदुरपश्चिम सरकारको मन्त्रिमण्डल :
प्रतिक्रिया