दाङ । लुम्बिनी प्रदेशमा रिक्त राष्ट्रियसभाको एक सदस्यका लागि भैरहेको उपचुनावको मतदान जारी छ ।
दाङको घोराहीस्थित कर्मचारी मिलन केन्द्रमा तोकिएका ३ वटा मतदानस्थलमा मध्यान्न १२:३० बजेसम्म २९२ जनाले मतदान गरिसकेका छन् ।
यसमध्ये स्थानीयतर्फ ८० जना महिला र १०८ जना पुरुषले मतदान गरिसकेका छन् । यसैगरी प्रदेशसभातर्फ ३० जना महिला र ५० जना पुरुषले मतदान गरेका छन् ।
यसैगरी कोभिड केन्द्रमा प्रदेशका ३ जना र स्थानीयतर्फ २१ जनाले मतदान गरेका छन् । निर्वाचनमा कुल मतदाता ३०० जना रहेका छन् ।
बिहान ९ बजेबाट मतदान सुरु भएको मतदानको समय ३ बजेसम्म रहेको छ । पहिलो मतदान लुम्बिनी प्रदेशका मुख्यमन्त्री शंकर पोखरेलले पहिलो मतदान गरेका थिए ।
उपचुनावमा दुई जना उम्मेदवार मैदानमा रहेका छन् । काँग्रेस, माओवादी केन्द्र, जनता समाजवादी पार्टी र राष्ट्रिय जनमोर्चाको विपक्षी गठबन्धनका तर्फबाट दृगनारायण पाण्डे र एमालेका तर्फबाट चन्द्रबहादुर खड्का उम्मेदवार रहेका छन् ।
मतदान सकिएपछि सर्वदलीय बैठक बसेर तत्कालै मतगणना सुरु हुने मुख्य निर्वाचन अधिकृत रीतेन्द्र थापाले जानकारी दिएका छन् । यसअघि माओवादी केन्द्रबाट राष्ट्रियसभामा प्रतिनिधित्व गरिरहेका खड्का एमाले प्रवेश गरेपछि माओवादी केन्द्रले दलत्यागको सुचनाका आधारमा स्थान रिक्त भएको थियो ।
प्रतिक्रिया