दाङ । लुम्बिनी प्रदेशबाट रिक्त राष्ट्रियसभा सदस्यकका लागि आज भएको उपनिर्वाचनको मतगणना भैरहेको छ ।
दाङको घोराहीस्थित कर्मचारी मिलन केन्द्रमा मतगणना सुरु भएको हो ।
स्थानीय तहबाट २१२ मत गन्दा ११८ मत कांग्रेस उम्मेदवारले प्राप्त गरेका छन् । जसको कुल मतभार २१२४ रहेको छ । यस्तै एमालेका उम्मेदवारले ९३ मत पाएका छन् । उनको मतभार १६७४ रहेको छ । एक मत बदर भएको छ ।
यसैस्थानमा बिहान ९ बजेदेखि ३ बजेसम्म भएको मतदानमा २९७ जनाले मत हालेका थिए । ३०० जना मतदाता रहेकोमा स्थानीय तर्फबाट ३ जना अनुपस्थित भएका थिए ।
निर्वाचनमा नेपाली काँग्रेसका दृगनारायण पाण्डे र नेकपा एमालेका चन्द्रबहादुर खड्का चुनावी मैदानमा छन् ।
२०७४ को निर्वाचनमा नेकपा माओवादी केन्द्रबाट निर्वाचित खड्काले दल त्याग गरेपछि रिक्त स्थानमा आज मतदान भएको हो । खड्कालाई एमालेले पुनः उम्मेदवार बनाएको छ । यस्तै, प्रदेशसभामा एमालेका सांसद रहेका पाण्डेले एकमहिना अघि एमाले परित्याग गरेपछि कांग्रेस, माओवादी र जनमोर्चाको समर्थनमा उम्मेदवार बनेका हुन् ।
केही बेरमै आउने नतिजाले खड्का पुनः इन्ट्रिीमार्छन् कि पाण्डे प्रदेशसभाबाट राष्ट्रियसभा पुग्छन् भन्ने निक्र्यौल हुनेछ ।
प्रतिक्रिया