जसपा नेता एवं उपप्रधानमन्त्री महतोले फेरि भने : नेपाललाई बहुल राज्य बनाएरै छोड्छौं

खबर कुरा
२२ जेष्ठ २०७८, शनिबार

काठमाडौं । नेपाललाई बहुल राज्य बनाउने कसम खाँदै सरकारमा सहभागी भएका जनता समाजवादी पार्टी जसपाका नेता एवं उपपप्रधानमन्त्री राजेन्द्र महतोले आफ्नो अडान पुन दोहोर्याएका छन् ।

शुक्रबार मात्रै उपप्रधानमन्त्री एवं शहरी विकासमन्त्री बनेका महतोले नेपाल एकल राज्य नभै बहुल राज्य भएको बताएका थिए । उनले बहुल राज्य बनाउनका लागि आफुहरुले मुक्ति आन्दोलन गर्ने दाबी गरेका थिए ।

शनिबार जसपाको पार्टी कार्यालयमा नवनियुक्त मन्त्रीहरुलाई गरिएको स्वागत कार्यक्रममा उपप्रधानमन्त्री महतोले नेपाल एकल राज्य नभै बहुल राज्य भएको बताएका छन् । महतोले एकल राज्यका कारण विभेदमा पारिएका समदायको उत्थान हुन नसक्ने जिकिर गरे । उनले बहुल समुदायमा बहुलतामा आधारित राज्य संचालन गर्नुपर्ने धारणा राखे । उपप्रधानमन्त्री महतोले आफ्ना मन्त्रीहरुलाई पार्टीको नीतिमा टेकेर मात्र काम गर्न निर्देशन पनि दिएका छन् ।

महतोले रेशम चौधरीलाई सबै उपाय अपनाएर जेलबाट छुटाउने प्रतिवद्धता जनाए । उनले राष्ट्रपतिबाट माफी दिलाएर भएपनि चौधरीलाई छुटाउने बताए ।

 

 

यसमा तपाइको मत

Your email address will not be published. Required fields are marked *


*