मापदण्ड विपरीत स्यानिटाइजर उत्पादन गर्ने दुईजना पक्राउ

खबर कुरा
२२ जेष्ठ २०७८, शनिबार

काठमाडौं । प्रहरीले मापदण्डविपरीत ह्यान्ड स्यानिटाइजर उत्पादन तथा बिक्री-वितरण गरेको आरोपमा ओम निरमाया हेल्थ केयर प्रालि ललितपुरका दुईजनालाई पक्राउ गरेको छ ।

पक्राउ पर्नेमा उक्त संस्थाका सञ्चालकद्वय ललितपुरको महालक्ष्मी नगरपालिकाका ४३ वर्षीय निरेश थापा र सोही ठाउँ बस्ने मोरङको विराटनगर उपमहानगरपालिका-१४ का ४४ वर्षीय अमित ताम्राकार रहेका छन् ।

उनीहरुको साथबाट मापदण्डविपरीत उत्पादन गरेको २४० लिटर ह्यान्ड स्यानिटाइजरसमेत बरामद गरिएको प्रहरी प्रधान कार्यालयले जनाएको छ ।

उक्त हेल्थ केयरबाट मापदण्डविपरीत सञ्जिवनी लिक्विड इन्स्ट्यान्ट ह्यान्ड स्यानिटाइजर उत्पादन गरी बिक्री भइरहेको भन्ने सूचनाको आधारमा महानगरीय प्रहरी परिसर ललितपुरबाट खटिएको प्रहरीले उनीहरुलाई स्यानिटाइजरसहित पक्राउ गरेको हो ।

उनीहरूउपर कालोबजार तथा केही अन्य सामाजिक अपराध र सजाय ऐन, २०३२ अन्तर्गतको कसुरमा थप अनुसन्धान भइरहेको प्रहरीले जनाएको छ ।

यसमा तपाइको मत

Your email address will not be published. Required fields are marked *


*