कथित मुक्ति संग्रामको कुरा राष्ट्रिय हित र अखण्डता विरोधी : नवौं महाधिवेनबाट निर्वाचित १५ एमाले स्थायी कमिटी सदस्य

खबर कुरा
२२ जेष्ठ २०७८, शनिबार

काठमाडौं । उपप्रधानमन्त्रीको सफथ खाएलगत्तै कारवाहीमा परेका जसपाका नेता राजेन्द्र महतोले दिएको अभिव्यक्तिको एमालेको नर्वौ महाधिवेशनबाट निर्वाचित १५ स्थायी कमिटी सदस्यहरुले निन्दा गरेका छन् । शनिबार एमालेका वरिष्ठ नेता माधव कुमार नेपालसहितका १५ नेताले एक संयुक्त वक्तव्य निकाल्दै नेपाली जनताबाट अस्वीकृत बहुराष्ट्रिय राज्य बनाउने भन्ने कुरालाई महतोले पुनः उठाएको भन्दै निन्दा गरेका छन् ।

उनीहरुले वक्तव्यमा विगतमा टुंगो लागिसकेको तथा संविधानसभा र नेपाली जनताबाट अस्वीकृत नेपाललाई बहुराष्ट्रिय राज्य बनाउने भन्ने कुरालाई पुनः दोहोर्याई यसका लागि कथित मुक्ति संग्रामको कुरा गरी राष्ट्रिय हित र अखण्डता विरोधी अभिव्यक्ति दिनु निन्दनीय भएको उल्लेख गरेका छन् । यस्तो अभिव्यक्ति संविधानको धारा ३ मा उल्लेखित बहुजातीय, बहुभाषिक, बहुधार्मिक, बहुसांस्कृतिक विशेषतायुक्त, भौगोलिक विविधितामा रहेका समान आकांक्षा र नेपाल राष्ट्रिय स्वतन्त्रता, भौगोलिक अखण्डता, राष्ट्रिय हित तथा समृद्धिप्रति आस्थावान रही एकताको सूत्रमा आवद्ध सबै नेपाली जनता समष्टिमा राष्ट्र हो’ भन्ने व्यवस्थाको विरुद्ध रहेको छ । उनीहरुले वक्तव्यमा लेखेका छन् । ।

१५ नेताले महतोको संविधान विरोधी उक्त अभिव्यक्तिबारे केपी ओलीबाट स्पष्ट पारिनुपर्ने माग गरिएको छ ।

आजै अपरान्ह एमालेको माधव पक्षका १८ जनसंगठनले पनि संयुक्त वक्तव्य जारी गरेर महतोको अभिव्यक्तिप्रति आपत्ति जनाएको थियो । वक्तव्यमा महतोले संविधान विरोधी अभिव्यक्ति दिंदा पनि प्रधानमन्त्री ओलीको मौनता र अनभिज्ञताप्रति आश्चर्य समेत प्रकट गरिएको थियो ।

यसमा तपाइको मत

Your email address will not be published. Required fields are marked *


*