कोरोना संक्रमणबाट नेपालमा ८ हजार बढीको मृत्यु, मंगलबार थपिए ५१५३ नयाँ संक्रमित

काठमाडौं । पछिल्लो २४ घण्टामा ५ हजार १५३ नयाँ संक्रमित थपिएका छन् ।

स्वास्थ्य तथा जनसंख्या मन्त्रालयले अपडेट गरेको पछिल्लो तथ्यांक अनुसार १७ हजार ६७६ परीक्षण गर्दा ५ हजार १५३ जनामा संक्रमण पुष्टि भएको छ । ६५७० जना संक्रमणमुक्त भएका छन् ।

पछिल्लो २४ घण्टाको अवधीमा थप १०८ जनाको मृत्यु भएको छ । यससँगै कोरोनाबाट मृत्यु हुनेको संख्या ८ हजार नाघेको छ । हालसम्म ८ हजार ९८ जनाको मृत्यु भएको मन्त्रालयले जनाएको छ ।