काठमाडौं । मन्त्रिपरिषदले पूर्णता पाएपछि बिहीवार सिंहदरबारमा पहिलो मन्त्रिपरिषद बैठक बसेको छ ।
जेठ २१ गते मन्त्रिपरिषद् विस्तार भएपछि बैठक बस्न सकेको थिएन । बिहीवार बसेको बैठकले सरकारको प्रवक्तामा संचार तथा सूचना प्रविधिमन्त्री नैनकला थापालाई नियुक्त गरेको थियो ।
सरकारको प्रवक्तामा प्रायः सञ्चारमन्त्री नै नियुक्त गरिने प्रचलनअनुसार थापालाई उक्त जिम्मेवारी दिइएको हो ।
यस बाहेक अन्य निर्णयहरुका बारेमा जानकारी नदिएपनि प्रधानमन्त्रीले आजको बैठकमा नवनियुक्त मन्त्रीलाई मन्त्रीको काम-कर्तव्य अधिकारका बिषयमा पनि सबै जानकारी गराएका थिए ।
प्रधानमन्त्रीले सरकारको गोपनियता कायम गर्न पनि सबै मन्त्रीहरुलाई निर्देशन दिएको एक मन्त्रीले जानकारी दिए ।
प्रतिक्रिया