काठमाडौं । जारी युरोकप २०२० अन्तर्गत पाँचौं खेलमा इङ्गल्याण्डले बलियो प्रतिद्वन्दी क्रोएसियालाई १-० गोल अन्तरले पराजित गरेको छ।
भर्खरै सम्पन्न समुह ‘डी’को खेलमा एकमात्र गोल रहिम स्टरलिङले गरे । लन्डनको ‘वेम्बली’ मैदानमा भएको खेलको ५७ औं मिनेटमा स्टरलिङले गोल गरेका थिए । उनले क्यालभिन फिलिप्सको शानदार पासमा गोल गर्न सफल भएका हुन ।
त्यसपछि सन् २०१८ को फिफा विश्वकप उप-विजेता क्रोएसियाले खेलमा फर्किन धेरै अवसरहरु सिर्जना गर्दा पनि गोल भने गर्न सकेन । बलियो मानिएको क्रोएसियालाई पराजित गरेको इङ्ल्यान्ड समुह ‘डी’ को शीर्ष स्थानमा उक्लिएको छ ।
समुह ‘डी’ अन्तर्गत स्कटल्यान्ड र चेक गणतन्त्र बिचको खेल भोलि खेलिने तालिका रहेको छ । यस समूहमा यी दुईबाहेक चेक रिपब्लिक र स्कटल्याण्ड पनि छन । यी दुई टिमबीच भने भोलि साँझ खेल हुनेछ ।
प्रतिक्रिया