पाल्पामा पहिरोले घर पुरिदा एक जनाको मृत्यु

पाल्पा । अबिरल परेको बर्षाका कारण पहिरोले घर पुरिदा पाल्पामा एक जनाको मृत्यु भएको छ ।

पाल्पाको रिब्दीकोट गाउँपालिका-४ मन्छिपमा रहेको एउटा घरमा माथिबाट आएको पहिरोले घर पुरिदा १ जनाको मृत्यु भएको हो ।

मंगलबार साँझ करिब ७ बजे स्थानीय महेन्द्र भट्टराई क्षेत्रीको घर माथीबाट खसेको पहिरो घर पुरिदा घरसंगैउनका १९ बर्षीय छोरा मदन भट्टराई पुरिएका थिए ।

उनको प्रहरी र स्थानियहरुद्वारा तत्काल उद्दार गरी उपचारको लागी पाल्पा अस्पताल तानसेन ल्याइएको उनको मंगलबार साँझ ८।५० बजेको मृत्यु भएको प्रहरीले जनाएको छ ।