बुटवल । नेपाली कांग्रेसको बुटवल उपमहानगर समितिले तिनाउ र दानव नदीले बढी क्षति पु¥याउनुमा बुटवल उपमहानगरपालिका जिम्मेवार भएको आरोप लगाएको छ । उपमहानगर समितिको आज बसेको बैठकले तिनाउ र दानव नदीमा अत्याधिक नदी दोहन भएका कारण बाढीले बस्तीमा क्षति पुगेको ठहर गरेको छ ।
जुनजुन स्थानमा गिटी बालुवा बढी निकालिएको छ त्यही स्थामनमा नदीले बढी क्षेति पु¥याएको भन्दै कांग्रेसले नदी दोहन बन्द गर्न र बाढीबाट क्षेति पुगेकाहरुलाई उपमहानगरले उचित व्यवस्था गर्न माग गरेको छ । बैठक पछि उपमहानगर सभापति खेलराज पाण्डेले विज्ञप्ति प्रकाशित गर्दै निषेधाज्ञाको अवधिको जरिवाना छुटको घोषणा गरिएपनि खानेपानी, बिद्युतको महसुल बुझाउन जाँदा सर्वसाधारणसँग जरिवाना असुल अरिएको आरोप लगाएका छन् । निषेधाज्ञाका कारण बन्द रहेका कार्यालयहरुले जरिवाना असुल्न बन्द गर्न आह्वान गर्दै कांग्रेसले त्यस अवधिको छुटको व्यवस्था गर्न समेत माग गरेको छ ।
निषेधाज्ञाले रोजगार गुमाएका र बिहान बेलुका छाक तार्न नसकेका श्रमिकहरुको पहिचान गरि यथासिघ्र उपमहानगरले राहतको कार्यक्रम घोषणा गर्न समेत कांग्रेस बुटवल उपमहागर समितिले माग गरेको छ ।
प्रतिक्रिया