काठमाडौं । विश्व स्वास्थ्य संगठन (डब्लुएचओ)का निर्देशक डा. टेड्रोस एड्हानोम गेहब्रेयसले नेपालको मुस्ताङको एक भिडियो सेयर गर्दै खोपको समान वितरणका लागि साझा प्रयास जरुरी रहेको बताएका छन् ।
डा. टेड्रोसले ट्वीटरमा भिडियो सेयर गर्दै स्वास्थ्यकर्मीले जीवनरक्षाका लागि साहासका साथ काम गरिरहेको बताएका छन्। भिडियो सेयर गर्दै उनले नेपाली स्वास्थ्यकर्मीलाई हिरोको संज्ञा दिएका छन् ।
मुस्ताङमा खोप कार्यक्रम संचालन गरिरहेका स्वास्थ्यकर्मीहरुले छापताङ् खोलामा बाढी आएपछि पाइपको सहारले ‘भ्याक्सिन क्यारिअरु तारेका थिए। यो भिडियो विश्वभर भाइरल बनेको थियो ।
डब्लुएचओ प्रमुख टेड्रोसले आफ्नो ट्वीटमा भनेका छन् ‘तर कतिपय स्थानमा यी नायकहरुले अझै खोप लगाउन पाएका छैनन् । के यो जायज छ ?’ उनले खोपको समान वितरणका लागि सबैले सामुहिक प्रयास गर्न जरुरी रहेको जिकिर गरेका छन् । टेड्रोस लेख्छन्, ‘अहिले होइन भने कहिले गर्ने त ?’
This is how far #healthworkers go to save lives. Is it fair that in many places these heroes have still not been vaccinated?
It is in our power and our duty to do everything we can to deliver #VaccinEquity! If not now, when?https://t.co/Dm1YVbc9uB
— Tedros Adhanom Ghebreyesus (@DrTedros) June 17, 2021
प्रतिक्रिया