कोरोनाको दोस्रो लहरपछि आज सबैभन्दा कम २४ जनाको मृत्यु, २४७४ नयाँ संक्रमित थपिए

काठमाडौं । लामो समयपछि नेपालमा कोरोना संक्रमणबाट मृत्यु हुनेको दैनिक संख्या उल्लेख्य घटेको छ ।

स्वास्थ्य तथा जनसंख्या मन्त्रालयले अपडेट गरेको पछिल्लो तथ्यांक अनुसार बिहीबार २४ घण्टाको बीचमा २४ जनाको मात्र मृत्यु भएको छ ।

कोरोनाको दोस्रो लहर सुरु भएपछि बढेको मृत्यु दरको बीचमा यो नै सबैभन्दा कम तथ्यांक हो । कोरोनाको पहिलो लहरमा सबैभन्दा मृत्यु धेरै हुँदा ३२ जनाको भएको थियो ।

२४ घण्टाको बीचमा २ हजार ४७४ जना कोरोना संक्रमित थपिएको पनि मन्त्रालयले जनाएको छ । यस्तै यसै अवधिमा संक्रमण मुक्त हुनेको संख्या २ हजार ५१८ रहेको छ ।