बुटवल । रुपन्देहीमा जारी निषेधाज्ञालाई खुकुलो बनाउँदै एक हप्ता थपिएको छ ।
आज बसेको जिल्ला कोभिड-१९ संकट व्यवस्थापन समिति (डीसीसीएमसी)को बैठकले खुकुलो पार्दै असार २१ गतेसम्मका लागि निषेधाज्ञा थप गरेको हो ।
थपिएको निषेधाज्ञामा सार्वजनिक सवारी चलाउन दिने निर्णय डीसीसीएमसीले गरेको छ । जिल्लामा भोलिदेखि आधा मात्र यात्रु राखेर जोर-विजोर प्रणालीका आधारमा सार्वजनिक सवारी साधन संञ्चालन गर्न दिने निर्णय भएको प्रमुख जिल्ला अधिकारी अस्मान तामाङले जानकारी दिए ।
केहीबेर अघि यातायात व्यवसायीसँग बैठक बसी सम्पूर्ण मापदण्ड अपनाउँदैं सार्वजनिक सवारी सञ्चालन गर्न दिने निर्णय भएको उनको भनाई । त्यस्तै बैठकले सवारी भाडामा ५० प्रतिशतले वृद्धि गर्ने निर्णय गरेको छ ।
जिल्ला प्रशासन कार्यालयले यसअघि असार ७ गते एक साताको लागि लम्ब्याएको निषेधाज्ञामा नीजि सावारीलाई जोर विजोर प्रणालीमा सञ्चालन गर्न दिने निर्णय गरेको थियो । उक्त निषेधाज्ञाको अवधि आज रातीदेखि सकिन लागेकाले थप एक हप्ता निषेधाज्ञा लम्ब्याइएको हो ।
यस्तै माछा मासु तरकारी फलफुल दुधजन्य साम्रगीहरु स्वास्थ्य सुरक्षाको मापदण्ड पालना गरी बिहान ५ बजेदेखि ११ बजेसम्म खोल्न पाइने भएको छ । भने अन्य व्यवसायहरु ११ बजेदेखि ६ बजेसम्म संचालन गर्न पाइने भएको छ ।
[pdf-embedder url=”http://3.0.214.97/wp-content/uploads/2021/06/jpg2pdf-1.pdf” title=”jpg2pdf (1)”]
प्रतिक्रिया