काठमाडौं । सत्तारुढ दल नेकपा (एमाले) दशौं महाधिवेशन मूल आयोजक कमिटीको बैठक आज बस्दैछ । प्रधानमन्त्री निवास बालुवाटारमा आज विहान ११ बजेका लागि बैठक बोलाइएको हो ।
मंगलबार साँझ बसेको एमाले स्थायी कमिटी बैठकले पार्टी संरचना २०७५ जेठ २ कै अवस्थामा फर्काउने निर्णय गरेको छ । त्यहि अनुसार निर्णय गर्न अन्तिम पटक महाधिवेशन आयोजक कमिटीको बैठक बस्न लागेको एमाले प्रवक्ता प्रदीप ज्ञवालीले बताए । उनका अनुसार त्यसपछि असार १८ गते केन्द्रीय कमिटी बैठक बस्नेछ ।
आज बस्ने महाधिवेशन आयोजक कमिटी बैठकले सामान्य छलफल गर्नेछ । त्यसपछि महाधिवेशन आयोजक कमिटी विघटन भएको घोषणा गरिनेछ ।
एमाले नेता माधवकुमार नेपाल पक्षले पार्टीलाई २०७५ जेठ २ गतेकै अवस्थामा फर्काउनु पर्ने माग गर्दै आएको छ । यसअघि नेपाल पक्षका काम ओलीले अस्वीकार गर्दै आएका थिए ।
अहिले भने स्थायी कमिटीले एकाएक केन्द्रीय कमिटीलाई ब्युँताउने निर्णय गरेको हो । स्थायी कमिटीमा ओली पक्षका नेता मात्रै सहभागी थिए ।
प्रतिक्रिया