काठमाडौं । पछिल्लो २४ घण्टामा नेपालमा थप १ हजार ६०३ जनामा संक्रमण पुष्टि भएको मन्त्रालयले जनाएको छ ।
स्वास्थ्य तथा जनसंख्या मन्त्रालयले आइबार अपरान्ह आयोजना गरेको पत्रकार सम्मेलनमा दिइएको जानकारी अनुसार जम्मा ८ हजार १३२ जनाको परीक्षण गरिएको छ ।
पीसीआर परीक्षणमा १ हजार ४२ र एन्टिजेन परीक्षणमा ५६१ कोरोनभाइरस संक्रमण पुष्टि भएको मन्त्रालयले जनाएको छ । परीक्षण घटाउँदा संक्रमितको संख्या पनि घटेको देखिएको छ ।
यसअवधिमा २ हजार ५५२ जना संक्रमितले कोरोना संक्रमणबाट मुक्त भएका छन् । विभिन्न अस्पताल एवं होम आइसोलेसनमा रहेका उनीहरु निको भएको मन्त्रालयले जनाएको छ । यससँगै नेपालमा कोरोना संक्रमणबाट निको हुनेको संख्या ६ लाख ९ हजार २१८ पुगेको छ ।
२४ घण्टाको बीचमा २७ जनाको मृत्यु भएको छ ।
प्रतिक्रिया