घरेलु मदिरा खोज्दै नष्ट गर्दै अर्घाखाँची प्रहरी

अर्घाखाँची । स्थानीयतहका गाँउसभाबाट धमाधम् घरेले मदिरालाई ब्राण्डिङ गर्ने निर्णय पारित हुँदै गर्दा अर्घाखाँची प्रहरीलाई भने घररेले मदिरा नष्ट गर्न भ्याइनभ्याई भएको छ । सन्धिखर्क नगरपालिका क्षेत्रभित्रमात्र आज प्रहरीले ८ सय लिटर मदिरा र मदिराको कच्चा पदार्थ बरामद गरेर नष्ट गरेको छ ।

समुदाय(प्रहरी साझेदारी कार्यक्रम को सक्रियतामा अवैध घरेलु मदिरा नियन्त्रण अभियान अन्तर्गत आजैमात्र सन्धिखर्क नगरपालिका १ का विभिन्न स्थानहरुमा प्रहरीले छापा मारेर रक्सी बनाउनको लागि तयारी अवस्थामा राखिएको कच्चा पदार्थ र तयारी अवस्थामा रहेको अन्दाजी ७९५ लिटर बरामद गरेको प्रहरीले जनाएको छ । विशेष सुचनाको आधारमा जिल्ला प्रहरी कार्यालय अर्घाखाँचीबाट प्रहरी निरीक्षकको कमाण्डमा खटिएको प्रहरी टोलीले उक्त वडा एरियाका विभिन्न स्थानहरुमा चेकजाँच गर्दा रक्सी बनाउनको लागि तयारी अवस्थामा राखिएको कच्चा पदार्थ र तयारी अवस्थामा रहेको अन्दाजी ७९५ लिटर बरामद गरेको अर्घाखाँची प्हरी प्रमुख अमर बहादुर थापाले जानकारी दिए ।

बरामद भएको घरेलु मदिरा तथा कच्चा पदार्थलाई कार्यालयको परिसर भित्रै खाल्डो खनेर नष्ट गरेको नायव प्रहरी उपरिक्षक थापाले बताए ।

प्रहरी प्रमुखकारुपमा हालै सरुवा भएर अर्घाखाँची प्रहरीको कमाण्ड सम्हाल्न पुगेका थापाले जिल्लामा कानुन पालना गर्ने र गराउने कार्यमा कुनै कसर बाँकी नराख्ने बताएका छन् ।