काठमाडौं । नेकपा एमालेका अध्यक्ष केपी शर्मा ओलीले पार्टीको स्थायी कमिटी बैठक बोलाएका छन् ।
सर्वोच्च अदालतको आदेशबाट प्रधानमन्त्रीबाट बर्खास्त हुन पुगेका ओलीले पछिल्लो विकसित अवस्थाबारे पार्टीको आधिकारिक धारणा बनाउन स्थायी कमिटी बैठक बोलाएका हुन् ।
बैठक दिउँसो १ बजे प्रधानमन्त्री निवास बालुवाटारमा बस्ने पार्टी कार्यालय सचिव शेरबहादुर तामाङले जानकारी दिएका छन् ।
सर्वोच्चको फैसला लगत्तै एमालेको स्थायी कमिटी बैठक हिजो पनि बसेको थियो । तर बैठकमा सबै नेताहरु उपस्थित नभएपछि त्यसलाई अनौपचारिक भनिएको थियो ।
बैठकमा पार्टीमा देखिएको विवाद समाधान गर्न गठित कार्यदलले तयार गरेको १० बुँदे सहमति अनुमोदन गर्ने बताइएको छ ।
बैठकमा माधवकुमार नेपाल पक्ष पनि सहभागी हुने बताइएको छ । नेपालले सोमबार मात्र विपक्षी गठनबन्धनमा अब नरहेने बताउँदै पार्टी एकताका लागि अगाडि बढ्ने बताएका थिए ।
स्थायी कमिटी बैठकले केन्द्रीय कमिटी बैठकको मिति समेत तय गर्नेछ ।
प्रतिक्रिया