प्रधानमन्त्री देउवालाई विश्वासको मत दिने माओवादीको निर्णय

काठमाडौं । देउवा नेतृत्वको सरकारलाई विश्वासको मत दिने र संसदमा सत्तापक्षको रोहमा बस्ने निर्णय गर्दै नेकपा माओवादी केन्द्रको संसदीयदलको बैठक सकिएको छ । संसदीयदलको कार्यालय सिंहदरबारमा बसेको माओवादी केन्द्रको संसदीय दलले एक ढिक्का भएर देउवा नेतृत्वको सरकारलाई विश्वासको मत दिने निर्णय गरेको हो ।

बैठकले प्रधानमन्त्री शेरवहादुर देउवा नेतृत्वको सरकारलाई बिश्वासको मत दिने र संसदमा सत्तापक्षमा बस्ने निर्णय गरेको राष्ट्रियसभामा माओवादी केन्द्रमा नेता दीनानाथ शर्माले जानकारी दिए ।

सर्वोचच अदालतको आदेशमा पुनर्स्थापना भएको प्रतिनिधिसभाको आज अपरान्ह ४ बजेबाट बैठक शुरु हुँदै छ । आजकै बैठकमा प्रधानमन्त्री देउवाले विश्वासको मत माग्न प्रस्ताव दर्ता गराएका छन् । देउवा सरकारमा माओवादीका २ जना मन्त्री छन् ।