चोरी भएको ४ मोटरसाईकल सहित चोरी गर्ने ३ जना पक्राउ

बुटवल । रुपन्देही प्रहरीले मोटरसाईकल चोरी गर्ने गिरोहका ३ जनालाई पक्राउ गरेको छ । रुपन्देही ओमसतिया गाउँपालिका ४ बालापुरका प्रदिप गुप्ताले आफ्नो लु ६३ प ४२२० नम्बरको मोटरसाईकल चोरी भएको उजुरी दिएकोमा मोटरसाईकलको खोजतलास गर्दै जाने क्रममा थप ३ वटा मोटरसाईकल सहित चोरीमा संलग्न ३ जनालाई पक्राउ गरेको हो ।

प्रहरीले नवलपरासी प्रतापुर गाउँपालिका १ जमुनिया बस्ने दिपक थारुको घरमा उजुरीमा उल्लेख भएमो मोटरसाईल सहित लु ४४ प ८१९५, लु ४२ प ४६ र लु ४२ प ५६०७ नम्बरको मोटरसाईकलहरु फेला परेको प्रहरीले जनाएको छ । प्रहरीले दिपक थारु सहित खिरि नारायण थारु र खेम नारायण थारुलाई पक्राउ गरेको रुपन्देही प्रहरीका प्रवक्ता प्रहरी नायव प्रहरी उपरिक्षक सत्यनारायण थापाले बताए ।

पक्राउपरेकाहरुलाई रुपन्देही जिल्ला अदालतबाट चोरी मुद्धामा दिन ५ को म्यादथप अनुमती लिई थप अनुसन्धान कार्य भैरहेको डीएसपी थापाले बताए ।