खैरो हिरोइन र ५ लाख १५ हजार नगद सहित २ जना बाँके प्रहरीको नियन्त्रणमा

नेपालगन्ज । बाँके प्रहरीले खैरो हिरोइनसाग् श्रोत नखुलेको ५ लाख बढी रकम सहित २ जनालाई नियन्त्रणमा लिएको छ । नेपालगन्ज उपमहानगर ११ ठटेरियन टोलबाट २ ग्राम १०० मीलीग्राम खैरो हिरोइन र श्रोत नखुलेको ५ लाख १५ हजार नगद सहित २ जनालाई नियन्त्रणमा लिएको हो ।

लागु औषधको कारोवार भई रहेको भन्ने विशेष सूचनाको आधारमा वडा प्रहरी कार्यालय नेपालगंज र लागु औषध नियन्त्रण व्युरो नेपालगंजबाट खटिएको प्रहरी टोलीले लागु औषध खैरो हिरोइन र नगद सहित ६१ वर्षिय गुन्नु कबडिया र १८ वर्षिय राहुल कबडियालाई नियन्त्रणमा लिएको प्रहरीले जनाएको छ । प्रहरीले उनीहरुले प्रयोग गर्ने गरेको २ थान मोबाईल पनि बरामद गरेको छ ।

पक्राउ परेका दुबैजनालाई लागु औषध कारोबारको ऐन बमोजिम कारवाहीका लागि अनुसन्धान भईरहेको बाँके प्रहरी प्रवक्ता प्रहरी नायव उपरिक्षक मधुसुदन न्यौपानेले बताए ।