काठमाडौं । नेपालमा पछिल्लो २४ घण्टामा २,८३८ जना नयाँ कोरोना संक्रमित थपिएका छन् । कोरोना भाइरस संक्रमण पुष्टि भएको छ ।
८,७१५ पीसीआर परीक्षणमा १,९१८ र ३,९०१ एन्टिजेन परीक्षणमा ९३१ जना गरी २,८३८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार बुधबार थपिएकासँगै नेपालमा कोरोना संक्रमितको कुल संख्या ६ लाख ७२ हजार ८७१ पुगेको छ भने आज सम्ममा ९ हजार ६३७ जनाको मृत्यु भएको छ । ६ लाख ३६ हजार ४०२ जना संक्रमणमुक्त भएका छन् ।
पछिल्लो २४ घण्टाकै अवधिमा कोरोना संक्रमणमुक्त हुनेको संख्या १,४७५ रहेको छ र ३० जनाको मृत्यु भएको छ ।
देशभर सक्रिय संक्रमितको संख्या २६ हजार ८३२ जना रहेको, जसमध्ये २४ हजार ३४० जना होम आइसोलेसनमा रहेका छन् भने २ हजार ४९२ जना संस्थागत आइसोलेसनमा उपचाररत रहेको मन्त्रालयले जानकारी दिएको छ । कोरोनाका बिरामीमध्ये ६२७ जना आईसीयू र १७१ जना भेन्टिलेटरमा उपचाररत् रहेको समेत मन्त्रालयको विज्ञप्तिमा उल्लेख छ ।
प्रतिक्रिया