काठमाडौं । पार्टी पुटको संघारमा पुगेको नेकपा एमाले अन्तत फेरि दुरी घटाउँदै मेलमिलापको दिशामा अगाडि बढेका छन् । पार्टी अनुशासन उल्लंघन गरेकाहरुलाई पार्टीमा स्थान नदिने उदघोष गरेको एमाले अध्यक्ष केपी ओलीकै अध्यक्षतामा बसेको केन्द्रीय कमिटीले पार्टी एकताका लागि भइरहेको प्रयासलाई निरन्तरता दिने निर्णय गरेको छ ।
आईतबारबाट शुरु भएर आज (बिहीबार) सकिएको बैठकले पार्टीमा सबैलाई समेट्न अधिकतम प्रयत्न गर्ने निर्णय गरेको बैठक पछि प्रवक्ता प्रदीप ज्ञवालीले सञ्चारकर्मीहरुलाई जानकारी दिएका छन् ।
बैठकलाई सम्बोधन गर्दै अध्यक्ष ओलीले पार्टी एकता सुदृढ गर्ने गरी आउन चाहेनहरुलाई विगतका गल्ती बिर्सिएर स्वागत गर्न सकिने प्रतिबद्धता जनाएको प्रवक्ता ज्ञवालीले बताए ।
यसअघि अध्यक्ष ओलीले पुष्पलाल स्मृति प्रतिष्ठानले आयोजना गरेको कार्यक्रममा ओलीले नेपाल पक्षलाई आम माफीको घोषणा गरेका थिए ।
प्रतिक्रिया