काठमाडौं । शनिबार कोरोना भाइरसका झन धेरै संक्रमित थपिएका छन् । पछिल्लो केही दिन यता नियमित रुपमा संक्रमितको संख्या बढिरहेकोमा शनिबार ३ हजार बढी संक्रमित थपिएका हुन् ।
स्वास्थ्य तथा जनसंख्या मन्त्रालयले शनिबार अपरान्ह प्रकाशित गरेको तथ्यांकअनुसार ३ हजार ११४ जना संक्रमित थपिएका छन् । पीसीआर परीक्षणबाट २३०९ जनामा संक्रमण पुष्टि भएको छ भने एन्टिजेन परीक्षण गर्दा ८०५ जनामा संक्रमण देखिएको छ ।
१४ हजार ९१० जनामा गरिएको परीक्षणमा यतिको संख्यामा संक्रमित थपिएको मन्त्रालयले जनाएको छ । यस्तै २ हजार १९७ जना संक्रमणमुक्र भएका छन् । यसै अवधिमा १६ जनाको मृत्यु भएको छ ।
प्रतिक्रिया