काठमाडौं । सर्वोच्च अदालतबाट पुनर्स्थापित प्रतिनिधिसभा बिजनेश बिहिन भएको चर्चा चलिरहेका बेला आज प्रतिनिधिसभाको आठौँ अधिवेशनको छैटौँ बैठक बस्दैछ । पूर्व निर्धारित कार्यक्रम अनुसार आज दिउँसो १ बजेका लागि बैठक बोलाइएको छ ।
आज बस्ने छैटौं बैठकका लागि संसद सचिवालयले दुईवटा सम्भावित कार्यसूचीहरू सार्वजनिक गरेको छ । सचिवालयबाट उपलब्ध कार्यसूचीमा पहिलो प्रधानमन्त्री शेरबहादुर देउवाले आर्थिक वर्ष २०७६/०७७ को मुस्लिम आयोगको वार्षिक प्रतिवेदन पेश गर्ने रहेको छ भने दोस्रो भुतपूर्व प्रतिनिधिसभा सदस्यको निधनमा शोक प्रस्ताव रहेको छ ।
तत्कालिन राष्ट्रिय प्रजातन्त्र पार्टीबाट २०४८ सालको प्रतिनिधि सभा सदस्य निर्वाचनमा दार्चुला क्षेत्र नम्बर २ बाट निर्वाचित सदस्य अकबरबहादुर बहादुर सिंहको निधनमा सभामुखबाट शोक प्रस्ताव प्रस्तुत गर्ने सम्भावित कार्यसूचीमा उल्लेख छ । हाल नेपाल काँग्रेसमा रहेका सिंह ९० वर्षको उमेरमा गत साउन १५ गते निधन भएको थियो ।
प्रतिक्रिया