आजदेखि देशभर ‘भेरोसेल’ खोपको दोस्रो डोज लगाईदै

खबर कुरा
२२ श्रावण २०७८, शुक्रबार
                 

काठमाडौं । आजदेखि देशभर लक्षित समूहलाई कोभिड-१९ विरुद्धको भेरोसेलको दोस्रो डोज खोप लगाइने भएको छ ।

स्वास्थ्य सेवा विभागले सूचना प्रकाशित गरि भेरोसेलको दोस्रो डोज लगाउन अनुरोध गरेको छ । गत असार २९ देखि सञ्चालन भएको पहिलो मात्रा खोप लगाएका ५५ वर्षभन्दा माथिका नागरिकलाई आजदेखि दोस्रो डोज लगाइनेछ ।

त्यस्तै, अत्यावश्यक सेवामा कार्यरत व्यक्ति तथा विदेश जाने नागरिकलाई पनि खोप लगाइनेछ । उनीहरुका लागि भने छुट्टाछुट्टै केन्द्रको व्यवस्था गरिएको विभागले जनाएको छ ।

पहिलो डोज लगाएका व्यक्तिलाई दोस्रो डोज लगाइने छ । साउन २४ गतेसम्म दोस्रो डोज लगाइने विभागले जनाएको छ ।

यसका लागि स्वास्थ्य तथा जनसंख्या मन्त्रालयले सातै प्रदेशका स्वास्थ्य निर्देशनालय र ७७ वटै जिल्ला स्वास्थ्य कार्यालयलाई निर्देशन दिइसकेको जनाएको छ । त्यसका लागि आवश्यक खोप पनि पठाइसकिएको जनाएको छ ।

 

यसमा तपाइको मत

Your email address will not be published. Required fields are marked *


*