नेपालगन्ज । बाँकेको नेपालगन्ज स्थित भेरी अस्पतालमा उपचाररत एक जना कोरोना संक्रमितको गयराती मृत्यु भएको छ । असार २८ गतेबाट अस्पतालमा उपचाररत लुंग्री ६ रोल्पाका ५८ वर्षिय पुरुषको मध्यराती २ बजे मृत्यु भएको जिल्ला कोभिड १९ व्यवस्थापन समितिले जनाएको छ ।
असार २८ गते अस्वस्थ भएर अस्पताल भर्ना भएका ती पुरुषलाई पीसीआर परीक्षण गर्दा २९ गते मात्र कोरोना संक्रमण पुष्टि भएको थियो । आज मृत्यु भएसँगै बाँकेमा कोरोनाबाट मृत्यु हुनेको संख्या ३२२ पुगेको छ । शनिबार पनि भेरी अस्पतालमा उपचाररत २ जना संक्रमितको मृत्यु भएको थियो । भेरी अस्पतालमा काेराेना संक्रमणका १५ जनाकाे उपचार भईरहेकाे छ ।
प्रतिक्रिया