काठमाडौं । दार्चुलामा तुइनबाट खसेर बेपत्ता जयसिंह धामी प्रकरणको सत्यतथ्य विवरण प्रतिनिधिसभामा प्रस्तुत गर्न सभामुख अग्निप्रसाद सापकोटाले सरकारको नाममा रुलिङ गरेका छन् ।
संसदमा शुन्य समयमा बोल्ने सांसदहरुले जयसिंह धामी प्रकरणको यथार्थता बाहिर ल्याउन सरकारसँग माग गरेपछि सभामुख सापकोटाले तुइनबाट खसेर दार्चुलाका युवा जयसिंह धामी बेपत्ता भएको प्रकरणमा आफ्नो गम्भीर ध्यानाकर्षण भएको बताए । मंगलबार प्रतिनिधिसभाको बैठकमा सभामुख सापकोटाले दार्चुला घटनाको सत्यतथ्य पत्ता लगाइ त्यसको विस्तृत विवरण यथासिघ्र प्रतिनिधिसभामा प्रस्तुत गर्न रुलिङ गरेका हुन् ।
‘उक्त घटनाको सत्यतथ्य पत्ता लगाइ घटनाको बिस्तृत विवरण सहितको जानकारी यथाशाक्य छिटो प्रतिनिधिसभामा दिन नेपाल सरकारलाई ध्यानाकर्षण गराउँछु।’उनले भने ।
प्रतिक्रिया