बुटवल । लुम्बिनी प्रदेशका मुख्यमन्त्री शंकर पोखरेलले प्रदेश प्रमुख कार्यालयमा राजीनामा बुझाउँदै गर्दा प्रदेश प्रमुख अमिक शेरचनको आह्वान गरे अनुसार विशेष अधिवेशन शुरु भएको छ । एक तिहाई सांसदहरुको समआह्वानका आधारमा आज १ बजेका लागि आह्वान भएको विशेष अधिवेशन आह्वान भएकोमा १ बज्न केहि मिनेट अगाडि मुख्यमन्त्री राजीनामा बुझाउन प्रदेश प्रमुख कार्यालयमा पुगेका थिए ।
मुख्यमन्त्रीको राजीनामाको आधिकारीकताको पत्र प्राप्त नभएका कारण निर्धारित समयमा प्रदेशसभाको विशेष अधिवेशन सुचारु गराईएको संसद सचिवालयले जनाएको छ ।
विशेष अधिवेशनमा अविश्वासको प्रस्ताव टेबल गर्दै नेपाली कांग्रेस संसदीयदलका नेता बिरेन्द्र कनोडियाले ढिलै भएपनि मुख्यमन्त्रीमा बद्धि पलाएको भन्दै राजीनामा दिएकोमा धन्यवाद ब्यक्त गरे ।
प्रदेशसभामा जसपाका सहर्षराम यादव, कृष्णध्वज खड्का, दुर्गा पाैडेल लगायतले सरकार र मुख्यमन्त्रीकाे आलाेचना गर्दै अविश्वासकाे प्रस्तावकाे पक्षमा अभिमत राखेका थिए । सभामुख पूर्ण घर्तीले अहिले १ घण्टाका लागि बैठक स्थगित गरेका छन् ।
प्रतिक्रिया