बुटवल । लुम्बिनी प्रादेशिक अस्पताललाई केहि सुधारात्मक काम गरेर प्रशंसा कमाएका अस्पताल प्रमुख डा. राजेन्द्र खनाललाई मेडिकल सुपरिटेण्डेन्टबाट हटाउँदै शंकर पोखरेल नेतृत्वको प्रदेश सरकारले सत्ताबाट बिदा लिएको छ । मुख्यमन्त्री पोखरेलले राजीनामा दिनु केहि घण्टा अगाडि बसेको मन्त्रिपरिषदको अस्तिम बैठकले डा. खनाललाई अस्पताल प्रमुखबाट हटाउने निर्णय गरेको हो ।
पोखरेल नेतृत्वको प्रदेश सरकारको अन्तिम मन्त्रिपरिषदको बैठकले गरेका अन्य निर्णयहरुसँगै लुम्बिनी प्रादेशिक अस्पतालका मेसु हटाउने निर्णय पनि परेको छ । डा. खनाललाई मेसुबाट हटाएसँगै निवेदन दिएर पालो पर्खेका सोही अस्पतालका हाड जोर्नि विषेशज्ञ डा. ईन्द्र ढकाललाई मेसुमा नियुक्त हुने बाटो खुलेको छ । प्रदेश सरकारको स्वास्थ्य तथा जनसंख्या मन्त्री भोज प्रसाद श्रेष्ठले पुराना मेसुलाई हटाउने निर्णय गरेपनि नयाँ मेसु भने नियुक्त नगरि बिदा भएका छन् ।
डा. खनालको कार्य मुल्याँकन गर्दै एमाले उप महासचिव विष्णु पौडेल र निवर्तमान मुख्यमन्त्री शंकर पोखरेलले डा. राजेन्द्र खनाललाई प्रादेशिक अस्पतालको मेसु बनाएका थिए ।
प्रतिक्रिया