बुटवल । रुपन्देही प्रहरीले ठुलो परिमाणमा लागु औषध ब्राउन सुगर सहित १ जना महिलालाई पक्राउ गरेको छ । प्रहरीले रुपन्देहीको रोहिणी गाँउपालिका ३ धकधईबाट ७० ग्राम बढी ब्राउन सुगर सहित महिलालाई पक्राउ गरेको हो ।
पक्राउ पर्नेमा स्थानीय ३० वर्षीया सन्ध्या मिश्र रहेकी छिन् । उनीबाट प्रहरीले बेच्नका लागि तयार गरिएको ६८ पुरिया मा प्याकिङ गरिएको ७० ग्राम ५०० मिलिग्राम ब्राउन सुगर बरामद भएको प्रहरीले जनाएको छ ।
लागुऔषको कारोबार भईरहेको गोप्य सूचनाका आधारमा प्रहरीले मिश्रालाई लागु औषध बोकेर हिँडिरहेको अवस्थामा पक्राउ गरेको रुपन्देही प्रहरी प्रवक्ता प्रहरी नायव उपरिक्षक सत्यनारायण थापाले जानकारी दिए । पक्राउ परेकी मिश्राबाट १ थान मोबाईल सेट समेत बरामद गरिएको उनले बताए ।
पक्राउ परेकी मिश्रा उपर लागु औषधा कारोबार एन अनुसार अनुसन्धान भईरहेको डीएसपी थापाले बताए ।
प्रतिक्रिया