अफगानिस्तानमा रहेका नेपालीलाई यथाशीघ्र उद्दार गर्न सरकारलाई सभामुखको रुलिङ

काठमाडौं । अफगानिस्तानमा रहेका नेपाली नागरिकको यथाशीघ्र उद्दार गर्न सभामुख अग्निप्रसाद सापकोटाले सरकारलाई रुलिङ गरेका छन् ।

प्रतिनिधिसभाको सोमबारको बैठकमा सभामुख सापकोटाले अफगानिस्तान घटनाबारे यथार्थ जानकारी लिई त्यहाँ रहेका नेपाली नागरिकको ततकाल उद्दार गर्न सरकारलाई रुलिङ गरेका हुन् ।

बैठकमा एमालेका सांसद गोकुल बाँस्कोटाले अफगानिस्तान घटनाबारे सार्क राष्ट्रको अध्यक्षको नाताले नेपालले कुनै प्रतिक्रिया नजनाएको भन्दै रुलिङको माग गरेका थिए ।

त्यसलगत्तै सभामुख सापकोटाले सरकारलाई रुलिङ गर्दै भने, ‘सभामुख सापकोटाले त्यहाँ रहेका नेपाली नागरिकलाई सरक्षित रुपमा रहने वातावरण बनाउन र यथाशीघ्र उद्दार गर्न र सो सम्बन्धी यथार्थ विवरण प्रतिनिधिसभाको आगामी बैठकमा जानकारी गराउन नेपाल सरकारलाई रुलिङ गर्दछु ।’