धादिङ । बसले ठक्कर दिँदा धादिङको नीलकण्ठ नगरपालिका-८ ससाह भदुवारमा मोटरसाइकलमा सवार एक जनाको मृत्यु भएको छ ।
दुर्घटनामा मोटरसाइकलमा सवार नीलकण्ठ नगरपालिका-३ रिजालथोककी ३५ वर्षीया सुशीला भुजेलको मृत्यु भएको जिल्ला प्रहरी कार्यालय, धादिङका प्रवक्ता जागेश्वर भण्डारीले बताए ।
मलेखुतर्फबाट धादिङबेसी आउदै गरेको बा १६ प ६६८५ नम्बरको मोटरसाइकललाई सोहितर्फबाट आउदै गरेको बा ५ ख १२५० नम्बरको बसले ओभर टेक ठक्कर दिएको प्रहरीले जनाएको छ । दुर्घटनामा भुजेल घाइते भएकी थिइन ।
उनलाई उपचारका लागि धादिङ अस्पताल ल्याइएको थियो। अस्पताल पुगेलगत्तै चिकित्सकले मृत घोषणा गरेको प्रहरीले जनाएको छ ।
बस र मोटरसाइकल तथा बसका चालकलाई प्रहरीले नियन्त्रणमा लिएको छ । मोटरसाइकल चालक भने सम्पर्कमा नआएको प्रहरीले जनाएको छ ।
प्रतिक्रिया