नेपालगन्ज । नेपालगन्ज भन्सार छलेर भित्रिधएको एक ट्रक खसी बोका नेपाली गाँउ पुगेपछि प्रहरीले नियन्त्रणमा लिएको छ । सशस्त्र र नेपाल प्रहरी सहित भन्सार कर्मचारीको २४ सै घण्टा ड्युटी हुने भन्सार नाका हुँदै ट्रकभरीको खसी बोका नेपालको गाँउ पुगेपछि मात्र प्रहरीले नियन्त्रणमा लिएको हो ।
इलाका प्रहरी कार्यालय धर्नालीको टोलिले खजुरा ८ चमकदारपुरबाट ४४ वटा खसी बोका सहितको ट्रक नियन्त्रणमा लिएको छ । कोहलपुर नगरपालिका १४ का २० वर्षिय दिपक रानाले चलाई रहेको भे १ क १२४३ को मिनि ट्रकमा भन्सार छली चोरी पैठारी गरी नेपाल भित्राईएको खसीबोका र ट्रक सहित रानालाई पक्राउ गरिएको बाँके प्रहरीले जनाएको छ ।
ट्रक सहितको अन्दाजी मुल्य ९ लाख ४० हजार निर्धारण गरि आवश्यक कारवाहीका लागि नेपालगन्ज भन्सार कार्यालय पठाईएको बाँके प्रहरी प्रवक्ता प्रहरी नायव उपरिक्षक मधुसुदन न्यौपानेले बताए ।
प्रतिक्रिया