काठमाडौं । लामो समयदेखि जिम्मेवारी बाँडफाँट नभएका कारण सुस्त रहेको संगठनलाई चुस्त बनाउने भन्दै नेकपा माओवादी केन्द्रले सांगठनिक जिम्मेवारी टुंगो लगाएको छ।
सोमबार देखि काठमाडौं स्थित पेरिसडाँडामा बसेको स्थायी कमिटी बैठकबाट आन्तरिक सहित प्रवासको समेत संगठनात्मक जिम्मेवारीको टुंगो लगाएको हो।
बैठकले नेताहरुलाई विभिन्न जिम्मेवारी यो स्थायी समिति बैठकबाट बाँडफाँट गरिएको छ । यस अघि लगातार प्रचार सहित प्रवक्ताको जिम्मेवारीमा रहेका उपाध्यक्ष नारायणकाजी श्रेष्ठलाई प्रवक्ताबाट हटाएर कृष्ण बहादुर महरालाई पार्टी प्रवक्ता बनाईएको छ । श्रेष्ठलाई प्रवास कमिटीको जिम्मेवारी तोकिएको छ ।
त्यस्तै माओवादीले देशभरका जिल्ला समन्वय समितिको इन्चार्ज पनि तोकेको छ। संघीय संरचना अनुसार अभ्यास गर्ने क्रममा माओवादीले जिल्ला कमिटी भंग गरेर समन्वय समिति निर्माण गर्ने निर्णय यसअघि नै लिइसकेको छ।
एमालेसँग एकिकरण पश्चात विघटन भएका कमिटीहरुमा सर्वोच्च अदालतले साबिक माओवादी केन्द्र ब्युँतिएको ६ महिना सम्म जिम्मेवारी तोक्न नसक्दा पार्टीको संगठनहरु निश्क्रिय रहेका थिए । जिम्मेवारी नपाएका कारण देशभरका कार्यकर्ताहरु पनि बेरोजगार जस्तै बनेका थिए ।
प्रतिक्रिया