काठमाडौं । विभिन्न वन्यजन्तुको आखेटोपहारसहित नागढुंगाबाट एकजना पक्राउ परेका छन् । पक्राउ पर्नेमा गोरखाको पालुङटार नगरपालिका-५ घर भएका ६५ वर्षीय सोनाम तामाङलाई सोमबार साँझ पक्राउ परेको प्रहरीले जनाएको छ ।
वीरगंजबाट काठमाडौंतर्फ आउँदै गरेको ना ५ ख ५८६४ नम्बरको बसलाई नागढुंगास्थित चेकप्वाइन्टमा प्रहरीले जाँच गर्ने क्रममा बसमा सवार तामाङलाई दुई थान हुचिलको खुट्टाजस्तो देखिने वस्तु, दुई थान हुचिलको पन्जाजस्तो देखिने वस्तु, दुईथान हाल यकिन हुन नसकेको हड्डी, ४ सय ग्राम यकिन हुन नसकेको जनावरको सुकुटी, तीन थान शंखजस्तो देखिने वस्तु, एक थान सेतो टल्कने ढुंगा र नगद ४० हजार रुपैयाँ सहित फेला पारी पक्राउ गरेको हो ।
शंख र ढुंङ्गा आवश्यक अनुसन्धानका लागि पुरातत्व विभाग रामसाहपथ तथा तामाङलाई आवश्यक अनुसन्धानको लागि डिभिजन वन कार्यालय हात्तीसार काठमाडौं पठाइएको महानगरीय प्रहरी वृत्त थानकोटले जनाएको छ ।
प्रतिक्रिया