३ असार २०८१, सोमबार | June 17, 2024

प्रधानमन्त्री देउवा र माओवादी अध्यक्ष प्रचण्डबीच भेटवार्ता, सरकारलाई पूर्णता दिने विषयमा छलफल



काठमाडौं । प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ ।

शनिबार बिहान भएको भेटवार्तामा सरकारलाई यथाशीघ्र पूर्णता दिने विषयमा छलफल भएको प्रचण्डका स्वकीय सचिव गंगा दाहालले जानकारी दिएकी छिन् । सत्ता साझेदार दुई दलका शीर्ष नेताबीच अब सरकारलाई पूर्णता दिन ढिलाई गर्न नहुने सहमति भएको छ ।

गत असार २९ गते प्रधानमन्त्रीमा नियुक्त भएका देउवाले अहिलेसम्म सरकार विस्तार गर्न सकेका छैनन् । एमालेका तत्कालिन वरिष्ठ नेता माधवकुमार नेपाल पक्षलाई कुर्दा कुर्दा देउवाको मन्त्रिपरिषद् विस्तार गर्ने योजना रोकिँदै आएको थियो । यद्यपी,  एमाले विभाजनसँगै नेपालको नेतृत्वमा नयाँ राजनीतिक दल एकीकृत समाजवादी बनेपछि सरकार सामान्य बहुमतमा पुगेको छ भने मन्त्रिपरिषद् विस्तार गर्न पनि सहज अवस्था बनेको छ ।

एकीकृत समाजवादीले छिट्टै संसदीय दलको बैठक बसेर नेता चयन गर्ने र सरकारमा सहभागी हुने निर्णय गरिसकेको छ । यस्तै, जनता समाजवादी पार्टी जसपाले पनि सरकारमा सहभागी बन्ने निर्णय यसअघि नै गरिसकेको छ ।

मन्त्रिपरिषद् विस्तार हुन नसक्दा सरकारले गर्नुपर्ने दैनिक काममा समेत अवरोध उत्पन्न हुनथालेको भन्दै व्यापक आलोचना बढिरहेको छ ।

प्रकाशित मिति : १२ भदौ २०७८, शनिबार  ११ : ३६ बजे

सङ्घीय संसद्का कर्मचारीको माग सम्बोधन गर्न अर्थमन्त्रालयसँग छलफल गरिने

काठमाडौं । सङ्घीय संसद् सचिवालयका कर्मचारीको माग र आन्दोलनका विषयमा

६ किलो सुन सहित पक्राउ परेका चिनियाँ नागरिकसँग नेपाली नागरिकता

काठमाडौं । ६ किलो सुन सहित पक्राउ परेका चिनियाँ नागरिक

सहमति पछि पेट्रोलियम पदार्थको ढुवानी आजैदेखि हुने

काठमाडौं । आन्दोलनरत पेट्रोलियम पदार्थ ढुवानी गर्ने ट्यांकर चालकले आन्दोलन

‘नदी धमिलिने बित्तिकै मेलम्ची बन्द’

काठमाडौं । मेलम्ची खानेपानी विकास समितिले ठूलो वर्षा भई मेलम्ची

‘बोक्सीको घर’ ले पूरा गर्यो ५१ औँ दिन

काठमाडौं । यो वर्ष प्रदर्शनको ५१ औँ दिन पूरा गर्ने