काठमाडौं । सत्तारुढ गठबन्धनका तीन शीर्ष नेताबीच भेटवार्ता भएको छ ।
प्रधानमन्त्री निवास बालुवाटारमा प्रधानमन्त्री एवं कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधवकुमार नेपालबीच भेटवार्ता भएको हो ।
आइतबार बिहान भएको भेटवार्तामा मन्त्रिपरिषद्लाई पूर्णता दिने विषयमा छलफल भएको छ । असार २९ गते प्रधानमन्त्रीमा नियुक्त देउवाले संसदबाट विश्वासको मत लिएको ढेड महिना पुग्न लाग्दा समेत मन्त्रिपरिषद् विस्तार गर्न सकेका छैनन् । देउवा मन्त्रिपरिषद्मा कांग्रेसका दुई, माओवादीका दुई मन्त्री र कांग्रेसबाट एक राज्यमन्त्री मात्र सहभागी छन् ।
दलहरुबीच कसले कति मन्त्रालय र कुन कुन मन्त्रालय पाउने भन्ने विषयमा समेत सहमति भएको छैन । सरकारमा कांग्रेस र माओवादीबाहेक एकीकृत समाजवादी र जनता समाजवादी पार्टी सहभागी हुँदैछन् ।
प्रतिक्रिया