कोरोना भाइरसका १३८८ नयाँ संक्रमित थपिए, २२६० जना संक्रमणमुक्त

खबर कुरा
१३ भाद्र २०७८, आईतवार
                 

काठमाडौं । पछिल्लो केहीदिनको तुलनामा आज कोरोना भाइरसका संक्रमितको संख्या उल्लेख्य घटेको देखिएको छ । परीक्षण संख्या कम हुँदा संक्रमितको संख्या पनि घटेको देखिएको हो ।

१० हजार २९७ जनामा गरिएको परीक्षणमा १३ सय ८८ जनामा मात्र संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार ७ हजार २५९ जनामा पीसीआर परीक्षण गर्दा १२ सय १४ जनामा संक्रमण पुष्टि भएको छ । यस्तै३ हजार ३८ जनमा गरिएको एन्टिजेन परीक्षणमा १७४ जनामा संक्रमण देखिएको छ ।

पछिल्लो २४ घण्टामा कोरोना संक्रमणबाट मुक्त हुनेको संख्या २२६० रहेको छ । संक्रमणमुक्त हुनेको संख्या संक्रमितको भन्दा बढी हुँदा सक्रिय संक्रमितको संख्या पनि केही घटेको छ । आज देशभर ३५ हजार ७९६ जना सक्रिय संक्रमित रहेका छन् ।

पछिल्लो २४ घण्टामा २४ जना कोरोना संक्रमितको मृत्यु भएको मन्त्रालयले जनाएको छ । हालसम्म नेपालमा १० हजार ७१४ जनाको कोरोना संक्रमणबाट मृत्यु भैसकेको छ ।

यसमा तपाइको मत

Your email address will not be published. Required fields are marked *


*