बुटवल । बिगत ३ दिन देखि अवरुद्ध रहेको सिद्धार्थ राजमार्गको बुटवल तानसेन सडक खण्ड आज साँझबाट एकतर्फी संचालनमा आएको छ । तानसेन नगरपालिका ८ डुम्रेमा खसेको पहिरोको कारण अवरुद्ध सिद्धार्थ राजमार्ग साँझबाट एकतर्फी संचालनमा आएको हो ।
सडक डिभिजन कार्यालय, नेपाल प्रहरी र शसस्त्र प्रहरीको २ दिनको लगातारको प्रयासपछि आज साँझबाट एकतर्फी सडक सुचारु भएको पाल्पा प्रहरीले जनाएको छ ।
एकतर्फी सडक खलेपनि यात्रा जोखिमपूर्ण रहेको भन्दै प्रहरीले सवारी साधनका चालक एवं यात्रुहरुलाई धैर्यता तथा संयमतापुर्वक सडक प्रयोग गर्न आग्रह गरेको छ । अबिरल परेको वर्षाले गत आईतबार बिहान सो स्थानमा २ वटा पक्की घर सहित सडक पहिरोसँगै बगेको थियो ।
प्रतिक्रिया