अर्घाखाँचीमा पहिरोले घर पुरिँदा एक बालिकाको मृत्यु

खबर कुरा
१६ भाद्र २०७८, बुधबार
                 

अर्घाखाँची । गएराति पहिरोले घर पुरिँदा अर्घाखाँचीमा एक बालिकाको मृत्यु भएको छ ।

अर्घाखाँचीको पाणिनी गाउँपालिका-७ अडगुरीमा गएराति पहिरोले जीवलाल सुनारको घर पुरिएको हो । घर पुरिँदा उनकी ९ वर्षीया छोरी झरनाको मृत्यु भएको जिल्ला प्रहरी कार्यालयका प्रहरी नायव उपरीक्षक अम्बरबहादुर थापाले बताए ।

पहिरोमा परेर जीवलालका छोरा र दुई जना छिमेकी घाइते भएका छन् । उनीहरुका स्थानीय मेडिकलमा उपचार गरिएको छ । घाइते तीनै जनाको अवस्था सामान्य रहेको प्रहरीले जनाएको छ ।

केही दिनदेखि परेको वर्षाले ठाउँठाउँमा पहिरो गएको छ । केही ग्रामीण सडक पनि अवरुद्ध भएका छन् ।

यसमा तपाइको मत

Your email address will not be published. Required fields are marked *


*