हेलम्बु राजमार्ग लगातार अवरुद्ध

खबर कुरा
१८ भाद्र २०७८, शुक्रबार
                 

सिन्धुपाल्चोक । बिहीबार रातिदेखिको लगातारको वर्षा र बाढीले निरन्तर पहिरो खस्दा सिन्धुपाल्चोकमा हेलम्बु राजमार्ग फेरि अवरुद्ध भएको छ ।

मेलम्ची नगरपालिका-१३ मेलम्ची-जिरोकिलो सडकखण्डस्थित फटकशिला रातोपहरोमा माथिबाट पहिरो खसिरहेकाले सडक अवरुद्ध भएको प्रहरीले जनाएको छ ।

पहिरो पन्छाएर सडक सञ्चालनमा ल्याउन वर्षा बाधक रहेको र निकै जोखिम रहेकाले अहिले वैकल्पिक सडक प्रयोग गर्न इलाका प्रहरी कार्यालय मेलम्चीका प्रहरी निरीक्षक टीकाराम राईले आग्रह गरे ।

साउन अन्तिमदेखि नै निरन्तर पहिरो र तलबाट खोलाले सडक कटान गरिरहेको छ । रासस

यसमा तपाइको मत

Your email address will not be published. Required fields are marked *


*