३ मंसिर २०८३, बिहिबार | November 19, 2026

लर्ड्समा नेपाल र बंगलादेशबीच ऐतिहासिक टी-२० प्रतिस्पर्धा हुने



काठमाडौं । नेपाली राष्ट्रिय क्रिकेट टोलीले सन् २०२७ जुन ३ मा विश्वप्रसिद्ध लर्ड्स क्रिकेट मैदानमा बंगलादेशसँग टी–२० अन्तर्राष्ट्रिय क्रिकेट खेल्ने भएको छ । मेरिलेबोन क्रिकेट क्लब (एमसीस)ले बिहीबार नेपालले गर्ने इंग्ल्यान्ड भ्रमणको खेल तालिका सार्वजनिक गर्दै उक्त खेलको घोषणा गरेको हो ।

क्रिकेटको घरका रूपमा परिचित लर्ड्स मैदानमा नेपाल र बंगलादेशबीच हुने यो प्रतिस्पर्धा दुवै देशका क्रिकेट समर्थकका लागि विशेष अवसर हुनेछ । यस खेलसँगै लर्ड्समा एउटै दिन पुरुष अन्तर्राष्ट्रिय र घरेलु क्रिकेटका खेल आयोजना हुनेछन् । एमसीसीका अनुसार, मैदानको इतिहासमा पहिलोपटक एउटै दिन पुरुष अन्तर्राष्ट्रिय क्रिकेट र मिडलसेक्सको टी–२० ब्लास्टअन्तर्गतको घरेलु खेल हुन लागेको हो ।

नेपाल र बंगलादेशबीचको टी–२० खेल नेपाली र बंगलादेशी दर्शकलाई लक्षित गरी टेलिभिजन प्रसारणको उपयुक्त समयअनुसार निर्धारण गरिने एमसीसीले जनाएको छ । सोही दिन हुने टी–२० ब्लास्टको दोस्रो खेल भने प्रतियोगिताको घरेलु खेल तालिका सार्वजनिक भएपछि तय हुनेछ ।

नेपालले लर्ड्स मैदानमा दोस्रोपटक पुरुष टी–२० अन्तर्राष्ट्रिय खेल खेल्न लागेको हो । यसअघि सन् २०१८ मा नेपालले त्यही मैदानमा नेदरल्यान्ड्ससँग प्रतिस्पर्धा गरेको थियो ।

बंगलादेशको पुरुष टोलीका लागि भने लर्ड्समा यो पहिलो टी–२० अन्तर्राष्ट्रिय खेल हुनेछ । बंगलादेशको महिला टोलीले यसअघि सन् २०२६ मा लर्ड्समा खेलेको थियो ।

प्रकाशित मिति : ३ मंसिर २०८३, बिहिबार  ४ : ०२ बजे

Your email address will not be published.

सडक अतिक्रमण खाली गर्न खजुरा गाउँपालिकाको १५ दिने सूचना, खाली नगरे ‘डोजर’ चल्ने

खजुरा । बाँकेको खजुरा गाउँपालिका खण्डमा पर्ने हुलाकी राजमार्ग खण्डको

लर्ड्समा नेपाल र बंगलादेशबीच ऐतिहासिक टी-२० प्रतिस्पर्धा हुने

काठमाडौं । नेपाली राष्ट्रिय क्रिकेट टोलीले सन् २०२७ जुन ३

झिनो अङ्कले बढ्यो नेप्से परिसूचक

काठमाडौं । धितोपत्र बजारमा शेयर कारोबार मापक नेप्से परिसूचक आज

भारतका राष्ट्रपतिसमक्ष राजदूत पाण्डेले बुझाए ओहोदाको प्रमाणपत्र

काठमाडौं । भारतका लागि नेपालका नवनियुक्त राजदूत निश्चलनाथ पाण्डेले भारतीय

पूर्वमुख्यसचिव एकनारायण अर्यालविरुद्ध पक्राउ पुर्जी

काठमाडौं । मलेसियामा वैदेशिक रोजगारीमा जाने नेपाली श्रमिकमाथि भएको ठगी