पाल्पा । नेपाल कम्युनिष्ट पार्टी (एकीकृत समाजवादी)ले २०७५ जेठ २ गते अघिका एमाले उपसचिव खिमानन्द पाण्डे (कमल)को अध्यक्षतामा पाल्पा जिल्ला कमिटी गठन गरेको छ ।
शनिबार पाल्पाको तानसेनमा आयोजित भेलाले पाण्डेको अध्यक्षतामा ७५ सदस्यीय पाल्पा जिल्ला कमिटी गठन गरेको सो पार्टीले जनाएको छ । जिल्ला कमिटीको उपाध्यक्षमा रमा घर्ती, सचिवमा मोहन गैरे र उपसचिवमा कमल सेन रहेका छन् । उपाध्यक्ष घर्ती लुम्बिनी प्रदेशसभाकी सदस्य हुन् ।
नेकपा एमालेको विवादका बेला समानान्तर कमिटी नबनाएको एमालेको माधव कुमार नेपाल पक्षधरहरुले पार्टी विभाजन पछि मात्र एकिकृत समाजवादीको जिल्ला कमिटी गठन गरेका हुन् ।
जिल्ला भेलालाई सम्बोधन गर्दै एकीकृत समाजवादीका केन्द्रीय कमिटी सदस्य सोमप्रसाद पाण्डे निर्वाचन चुनाव चिह्नले जित्ने नभइ जनताको मनले जित्न सकिने बताए ।
भेलाले लेखनाथ पोखरेलको संयोजकत्वमा ७ सदस्यीय सल्लाहकार समिति समेत गठन गरेको छ ।
प्रतिक्रिया