प्रतिनिधिसभाको दोस्रो बैठकमा पनि एमालेको नाराबाजी जारी

खबर कुरा
२७ भाद्र २०७८, आईतवार
                 

काठमाडौं । आईतबार बसेको प्रतिनिधिसभाको दोस्रो बैठक पनि प्रमुख प्रतिपक्ष नेकपा एमालेले अवरुद्ध अवरोध गरेको छ । १५ मिनेट स्थगित गरेर पुनः शुरु भएको बैठकमा पनि एमाले सांसदहरुले सभामुखविरुद्ध नाराबाजी गरी सदन अवरुद्ध गरिरहेका छन् । आजै बसेको प्रतिनिधिसभाको पहिलो बैठक पनि एमालेले अवरुद्ध पारेको थियो ।

पहिलो बैठकमा लगातार अवरोध पछि १५ मिनेट स्थगित गरेर सभामुख अग्नी प्रसाद सापकोटाले एमाले संसदीय दलका प्रमुख सचेतक विशाल भट्टराई, सचेतक शान्ता चौधरी, एमाले सांसद खगराज अधिकारी लगायतसँग छलफल गरे पनि सहमति जुट्न नसकेपछि संसद अवरुद्ध कायम रहेको हो । एमाले सांसदहरुले संयमित भएर संसदीय मर्यादा कायम गर, पार्टी फुटाउने षड्यन्त्र बन्द गर जस्ता नारा लगाइरहेका छन् ।

पहिलो बैठक अवरुद्ध भएपछि सभामुख अग्निप्रसाद सापकोटाले १५ मिनेटका लागि बैठक स्थगित गरेका थिए । यो बीचमा उनले सभाको अवरोध हटाउन छलफल समेत गरेका थिए ।

यसमा तपाइको मत

Your email address will not be published. Required fields are marked *


*