कोरोना संक्रमित आज पनि तीन अंकमै सीमित, ९११ नयाँ संक्रमित थपिए, १४२३ संक्रमणमुक्त

काठमाडौं । कोरोना भाइरसका संक्रमित आज दोस्रो दिन पनि तीन अंकमै सीमित भएका छन् ।

कोरोनाको दोस्रो लहर सुरु भएसँगै कोरोना संक्रमितको संख्या चार अंकमा रहेकोमा शनिबार पहिलो पटक तीन अंकमा झरेको थियो ।

आज आइतबार पनि संक्रमितको संख्या १ हजार भन्दा कम रहेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९११ जना नयाँ संक्रमित थपिएका छन् । यीमध्ये पीसीआर विधिबाट गरिएको परीक्षणअनुसार ८३८ जनामा संक्रमण पुष्टि भएको छ ।

यसै अवधिमा कोरोना संक्रमणबाट मुक्त हुनेको संख्या भने १४ सय २३ रहेको छ । यस्तै १३ जनाको मृत्यु भएको छ ।

आज देशभर सक्रिय संक्रमितको संख्या २६ हजार ७५७ रहेको छ ।