सांसदद्वय पाण्डे र भट्टलाई कारवाही नगर्न सर्वोच्चको अल्पकालीन अन्तरिम आदेश

खबर कुरा
२७ भाद्र २०७८, आईतवार
                 

काठमाडौं । नेकपा एमाले परित्याग गरेर नेकपा एकीकृत समाजवादीमा प्रवेश गर्न चाहेका सांसदद्वय सोमप्रसाद पाण्डे र शारदादेवी भट्टको पक्षमा सर्वोच्च अदालतले अल्पकालीन अन्तरिम आदेश दिएको छ ।

प्रतिनिधिसभाका सांसद पाण्डे र राष्ट्रिय सभाका सांसद भट्टलाई एकीकृत समाजवादी प्रवेश गरेवापत कुनै कारवाही नगर्न सर्वोच्चले आज अल्पकालिन अन्तरिम आदेश दिएको हो ।

सांसदद्वयले निर्वाचन आयोगमा एकीकृत समाजवादीको पक्षमा सनाखत गर्न चाहेपनि आयोगले पार्टी दर्ताको बखत निवेदन दिँदा हस्ताक्षर नगरेको भन्दै सनाखत गरेको थिएन । आयोगले सनाखत गर्न अस्वीकार गरेपछि उनीहरु भदौ २३ गते सर्वोच्चमा रिट दायर गरेका थिए ।

न्यायाधीस मीरा खड्काको एकल इजलासले यही रिटमाथि सुनसवाइ गर्दै आयोगका नाममा कारण देखाउ आदेश जारी गरेको छ । यस्तै, अन्तरिम आदेश दिनपर्ने या नपर्ने विषयमा भदौ २९ गते छलफलमा बोलाउन आदेश दिएको छ ।

सांसदद्वय पाण्डे र भट्टले एकीकृत समाजवादीमा विवरण अध्यावधिक गर्ने व्यवस्था मिलाउन माग गरेका छन् ।

यसमा तपाइको मत

Your email address will not be published. Required fields are marked *


*