काठमाडौं । ओली सरकारले गठन गरेको भूमिसम्बन्धी आयोग खारेज गरेको देउवा सरकारले सुकुम्बासी समस्या समाधानका नाममा नयाँ आयोग गठन गरेको छ ।
मंगलबार बसेको मन्त्रिपरिषद् बैठकले ‘राष्ट्रिय भूमि आयोग, ०७८’ गठन गरेको हो । बैठकले आयोगको अध्यक्षमा केशव निरौला र उपाध्यक्षमा नहेन्द्र खड्कालाई नियुक्त गरेको छ । निरौला र खड्काले बुधबार नै प्रधानमन्त्री तथा मन्त्रिपरिषद्को कार्यालयमा शपथ लिएका छन् । अरु सदस्यहरु भने नियुक्त भएका छैनन् ।
प्रधानमन्त्री शेरबहादुर देउवाले गत साउन १९ गते तत्कालिन भूमिसम्बन्धी आयोग खारेज गरेको थियो । देवी ज्ञवालीको अध्यक्षतामा रहेको आयोग खारेज गर्दा नेकपा एमालेले गम्भीर आपत्ति जनाएको थियषे ।
निरौला नेपाली कांग्रेसको केन्द्रीय नीति अनुसन्धान तथा प्रशिक्षण प्रतिष्ठानका सदस्य हुन् । खड्का माओवादी केन्द्र निकट किसान संगठनका नेता हुन् ।
प्रतिक्रिया