बुटवल । सत्यवति टोल विकास संस्थाले बुटवलमा खुल्ला रक्तदान कार्यक्रम सम्पन्न गरेको छ ।
बुधबार बुटवल उपमहानगरपालिका वडा नम्बर ११ बिनापातेमा रहेको सत्यवति टोल विकास संस्थाले रक्तदान कार्यक्रम सम्पन्न गरेको हो ।
नेपाल रेडक्रम सोसाईटी रक्तसंचार केन्द्रको प्राविधिक सहयोगमा टोल संस्थाको भवनमा खुल्ला रक्तदान गरिएको कार्यक्रमको वडा सदस्य माया दर्नालले उदद्धाटन गरिन ।
संस्थाहरुको अग्रसरताबाट नगर नमुना बन्ने भन्दै हिजो बिनापातेका नामले चिनिएको टोलमा टोलबासीको अग्रसरताबाट जागरण ल्याउने काम भएको बताईन ।
संस्थाका अध्यक्ष भिम केसीले टोलबासीहरुलाई समाजप्रति उत्तरदायी बनाउदै सचेतना जगाउने, समस्यामा परेका ब्यक्तिलाई सहयोग गर्ने काम गर्दै आएको बताए । कार्यक्रमका संयोजक मोहमद कलिमले ४० युनिट संकलन भएको बताए ।
कार्यक्रममा बुद्धभुमि ट्याक्सी ब्यवसायीका अध्यक्ष बिष्णु काफ्ले, संस्थाका सचिव श्याम तुलाचनले अब्यवस्थित बसोबासीका रुपमा रहेको सो क्षेत्रमा ३ सय ९६ घरधुरीमा स्वास्थ्य, सरसफाईका क्षेत्रमा विभिन्न कार्यक्रम गरिरहेको बताए ।
प्रतिक्रिया